Í skýrslu Nordic Welfare Centre er sveitarfélagið Fjallabyggð nefnt sem eitt af fimm dæmum um samfélög með spennandi áætlanir í heilbrigðis- og velferðarþjónustu á Norðurlöndum.
Skýrslan, sem nefnist Integrated healthcare and care through distance spanning solutions – for increased service accessibility, segir frá fimm dæmum um breiða samvinnu milli ólíkra geira þar sem markmiðið er aukin heilbrigðis og velferðarþjónusta.
- Héraðið Suður-Danmörk, Danmörku
- Velferðarsvæðið Päijät-Häme, Finnlandi
- Sveitarfélagið Fjallabyggð, Íslandi
- Svæðisbundinn samhæfingarhópur (RCG) um rafræn heilbrigðismál og velferðartækni, Agder fylki, Noregi
- Tiohundra Norrtälje, Svíþjóð
Fjallabyggð er nefnd sem dæmi um framsækni í þjónustu við aldraða og fjallað er um samstarfssamning sveitarfélagsins við Veltek og Heilbrigðisstofnun Norðurlands. Samningurinn er nefndur sem hluti af áætlun sveitarfélagsins um þróun og nýsköpun innan heilbrigðis- og velferðartækni, en hár meðalaldur Fjallabyggðar (fimmtungur íbúa er 67 ára eða eldri) gerir svæðið ákjósanlegt til þróunar nýrra lausna sem munu nýtast fleiri svæðum í framtíðinni.
Lesa skýrsluna á ensku